قصيدة : الليل وآخره ..مسابقة الشعر العامي ..بقلم / ريان ممدوح

الإسم : احمد ممدوح محمود
الشهرة: ريان ممدوح _rayan mumdouh
الدولة : مصر
فرع المشاركة : شعر العامية
إسم القصيدة : الليل واخره
تليفون : 01124920278
واتساب : 01124920278

لينك صفحة الفيس بوك :
https://www.facebook.com/medo.mamdouh.714?mibextid=hIlR13
_____________________
الساعه 12 بالثانيه
دقت طبول الحرب
العقل جاهز مستعد عشان يدافع
والقلب الظاهر شامم كوله
والعقل مصوب على قلبي المدافع
وقلبي ؛ بيحاربه ببيانولا
العقل جاهز بالمشاه
وقلبي واقف بمنيتور قديم
العقل يسعي للسلطه والجاه
وقلبي رايق قاعد بيسمع عبد الحليم

والله ما كنت اعرف
ولا شوفت على حدود قصرك يافتة ممنوع
ف ازاي يكون جزاتي رصاصه
بتخلي العين تنزفلي الدم
مكنتش دموع

لكن شاء ربك رصاصتك
تعجزني و متقتلنيش
وبعد ما كنت الملك
رضيت ابقى الأسير
رموني ف زنزانه ضلمه
وسجنك كان مرير
ونزيفي من رصاصتك
الوضع صار خطير
ف ازاي سهتيني ف لعبه
و حولتي البيدق لوزير

بكره سجينك يطلع وهينتقم متقلقيش
وهرسم مملكه ابيض واسود مش الوان
دا انتي حرسك باعك بقرش حشيش
سايبهم هناك بيلف الجوان

وخلاص هنساكي يا ليله
ومش هبقى قيس مجنونك
وهتتفجأي ف الحركه التاليه
هنسف كل الي شبه لونك

بكفياكي اثارت جَلَبه
زدت من القهوه يوم م سبتيني
كنت بهزر معاكي ف الحلبه
وانتي هدفك تلكُميني

انا الدرويش الي زهد الدنيا
لاجل انوا يخدم ضريحك
لي رغم ان نزلك كبش اسماعيل
مصره تجعليني ذبيحك

مسدسك كان حي
وانا كنت مجرد صوت
طلقتي خدشتك
وطلقتك كانت الموت