قصيدة . اللي قالوا اتجوز. مسابقة الشعر العامى بقلم / محمد عبد المنعم عبد الحليم .مصر

محمد عبد المنعم عبد الحليم

القاهرة

مصر

شعر عامية

مصر
تليفون 01001343146

بريد إلكتروني

Mohamed abdelmoniem [email protected]
اللي قالوا اتجوز

شكلي خلاص مليت انا قلت ليه ياجواز

هاطفش خلاص م البيت وف روحي اولع جاز

تفإجني بالطلبات دي مجهزة قايمة

شخلل جيوبك هات من غير ولا كلمة

البنت رايحة الدرس وعايزة نضارة شمس

على بنطلون كدة جينز صحصح معانا يا برنس

ف الصرف دول افذاذ

دا لسة فيه عزومة وكمان ياميش رمضان

الست هنومة عاملة لى شغل جنان

يا ناس انا طقيت ومن هدومي هاطلع

سكر دقيق مع زيت عمال انا ادفع

شاطر انا وكيوت وللكلام باسمع

مش ناسي لما ارجع ادفع فاتورة الغاز

مش ناسي لبس العيد والرنجة واللحمة

يا ليلى يا ام سعيد ادعوا لى بالرحمة

عقلي خلاص هيطير واديني اهو مبوز

منهم خلاص لله اللي قالوا اتجوز

ومراتي واقفة هناك بتقولي يلا انجز

اجرى اوام غير انبوبة البوتاجاز

اللي قالوا اتجوز