قصيدة : المناخ . للشاعر / رضا أبو الغيط

ازرع شجرة…….تطرح ثمرة

تاكل منها……الناس والطير

واحلم تملك …مليون فكرة

تبقى جناحك…….. لو هطير

خليك مصرى فكرك عصري

وأبدر لينا …..النور والخير

ازرع شجرة تكون لك ضلة

لما حرارة …..الشمس تزيد

وازرع جنب….. الوردة الفلة

واروي العقل….. بفكر جديد

خليك مصري فكرك عصري

وابدر لينا ….. النور والخير

ساعد غيرك من خير خيرك

إنسان كان.. أو حتي الطير

وف أعمالك راعي ضميرك

واعلم إن…….. المولي كبير

خليك مصرى فكرك عصري

وأبدر لينا …..النور والخير

ارسم صورة……مصر الغالية

واحلم إن……. الصوره تطير

شايله ف ايدها الرايه العالية

والخُضرة………..رمز التعمير

خليك مصرى فكرك عصري

وأبدر لينا ……النور والخير

قيد قنديلك.. وشموع ليلك

وارسم بيهم….. خط السير

واملا الكف…….. بمية نيلك

واحفر وقت…. الشدة البير

خليك مصرى فكرك عصري

وأبدر لينا …..النور والخير

اوعى تفرط ..يوم ف المية

وتقول ان……… المية كتير

نقطة مية ……من الحنفية

ممكن تحيي الناسط والطير

خليك مصرى فكرك عصري

وأبدر لينا …..النور والخير

لازم تعرف…….. ان حياتك

مرهونة….. بالماء يا جميل

وابدا علم………. كل ولادك

ازاي يحموا …….نهر النيل

خليك مصري فكرك عصري

وابدر لينا…… النور والخير