قال الغريب اكرمى مثواه
قال القريب إلقوه ف اليمى
الحكمه يا فنى؛
أوسع بيبان الخير
لو حابب التغيير
فتح عيونك ع الحقيقه وطير
والبس ف توب الحكمه والتدبير
وأوصل حبال التجربة وغنى
قرب وعين عنى
التجربة بتمس
خايف هتنكرنى
متخافش قرب بس
مديت ف أيدى وقال
انا مس قلبى الضر
والعمر خيط بيثر
ما لاقيت لروحى مفر
يعنى خلاص همشى
تدمع عيون التجربة وتقول
ان مت لازم أعيش
وان عشت متخافشي
يا ابوالمقاام عالى
طربن لى صوت لونك
عايش ف بيت الشعر
يلهمنى وانا هايم
دايم وبعد ما افوت
أرجع لى بقدومك
مرعوب ليجي اليوم
يحسبنى رب الكون
على حرف اسلوبك
فى سرى خبيتك
يوم ما اتولد أسمك
كان الميلاد شاعر
برساله يحييها
كان نفسى اكون فيها
شوفت الحياه عنيها
طلت ف صورة ملك
رفض السجود للطين
وأختار يكون عاصى
ناسى حبك بس فاكراك
فاكر انى مش ناسيكى
بس برا وبالسلامه
مش هتبكى العين عليكى
مر طعمك لو مسكر
سكر التبرير ممر
عمره مرا ما حل حاجه
وبسطاته ناس غلابه
راضيه بيه تستحمله
اما انا من صغر سني
اى حاجه تمس راحتى
بسيبها وامشى
رمشى دمع جوا جوفك
كل مرا تزيدى خوفك
لما اقول ما وحشتنيش
بس حبك لسه عايش
بيكى عايش او بعيش
رغم كل الحب بينا
شئ غريب مانفعلكيش
قلبى قوة جيش بحاله
بس حظه كان مفيش
قلبى شاعر حبوا سرده
سألوه عنِك .. رد جهله
عمرى يوم ما مكتبتكيش
وهيعمل الشعر بقصيدة
بكيت عليها الدنيا م التلطيش
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
