قصيدة (النصر لمصر) للشاعر / محمد خليل

صباح الفجر بيشقشق على ارضك

صباح النصر ع الابواب

صباح ابيض بلون ياسمين على جندك

يصون عرضك

صباح الورد بيفتح

و بيرجع ليالى زمان

مع الافراح

وليلنا امان

والسهره لحد الصبح

تعيشى يامصر محروسه

وفوق الكل

وعقد الفل

فى ايد حبيبه ع الكورنيش

والسبحه ف ايد درويش

بيدعيلك يدوم الفرح

يطول الشرح

القصة دى قصة حرب

ع الخاينين

ع الكارهين

واصحوا يا شباب نايمين

اصطفوا معانا الصف

القصه دى قصة حرب

وقولوا يارب

وعاهدوا الوطن ع النصر