الاسم / محمد عبداللطيف الخضري السيد
الدولة / جمهورية مصر العربية
اسم الشهرة / محمد الخضري
رقم التليفون والواتس/ 01091199085
لينك الصفحة على فيسبوك / https://www.facebook.com/
mahomed.elkodry?mibextid=ZbWKwL
الفئة / شعر العامية
اسم النص / الوصية
الوصية
………..
قبل ما تِدبَل جِفوني
عايز اقولِك كلمتين
قرَّبي منِّي اسنديني
دا اللي فاضل حبتين
خلِّي بالِك منُّهم،
داوي دايماً أي جرح يصيب قلوبهم لمّا افارق ضِلهم
لزماً يحسوا انِّي حتى في بُعدي عنهم مش بعيد،
لأ جنبهم
عرَّفيهم انِّي ياما كتير تعبت
وكات سعادتي في ضحكهم
فاكرة مرة لما كُنَّا مهمومين
جالي إبنك والدموع طَفَّتْ عينية ،
بين ايدية اخواتة متكلين عليه
جاب لي كيس مليان فلوس
كلها فضة وورق
قالي خدهم فِك زَنقة واما يبقى معاك ف يوم
ابقى هاتهم بس كَتَر م الورق
كل مرة نقول يارب
كات بتيجي الرحمة تواً لاجل يسعَد قلبهم
عرَّفيهم إني كنت اتمنى اكمِّل لمّا يجمد عضمهم
ومتزعليش من اي كلمة ف يوم بتفلت منهم
دول رغم أول عهدهم
عاشوا معانا الوضع كله
ساعة حلوة ، وساعة مُرة ، وساعة يهرب حلمهم
دول أحن الناس علينا
همّا بس الدنيا سرقت عمرهم
خلِّي بالِك منُّهم،
والصُغيّر لو باين لك..
إنُّه عصبي ولّا ثوري ولّا بيطلَّع عينيكِ..
بُكرة يهدى..
وقت زنقة هيبقى راجل ينصفِك
والكبير أصلا كبير ،
حساس بطبعُه..
جوّه مِنُّه من الابوة رصيد يخلية مطرحي
أما الحبيبة
عيَّشوها حياة هنيِّة، تبقى دايماً متراضية..
والسعادة تبقى دايماً حظها
عارف انك تقدري تكوني أنا
ياما شَهِدت الحكمة فيكِ والجَلَد، وحنينة
كوني كعبة يحجوا ليها وزمزميهم بالهنا
مش هسيبكم ليلة واحدة بدون ما ازوركم..
حتى لو كان ف المنام
اعدليني لمَّا انام
زمليِّني
خَلِّي ايدِك فوق دماغي، لقنيِّني
وامسحى بالتانية عرقي عن جبيني
سامحى ياللي كنتِ سَندي، احضنيني
سلّمى لى كتير عليهم
ولّا اقول لك دخليهم
خلِّي آخر صورة بِينِّا
ضِحكة في عيونكم وعيني
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
