قصيدة : امى اللى قالت . مسابقة الشعر العامي بقلم / نصر هاشم

امى اللى قالت

…..

امى اللى قالت

امى اللى نالت

م الرضا يرضي

امى اللى لو حس

بكلامها

كان قلبي أنا اتوضى

طول عمره قضى

م الحديت بحديت

كان قلبه صدى

وكنت أنا غنيت

ياحلم لسه م جيت

ياحلم أنا اتوضيت

ومن كفى أنا اتحنيت

امى اللى قالت

طول عمرى أنا استنيت

المح ملامح عشق بهتانه

وان قلت متهانه

يبقي أنا اتجنيت

ف الحلم صليت

وف صلاتى دعيت

يطرح سكاتى البيت

امى اللى قالت

أن شاله حتى نسيت

كان قلب امى بيتوصف

كان قلب امى بيتخطف

ومن بكايا بيرتجف

مكنتش لسه بتعترف

أن اللى بينا بيرتدف

او يتعرف …

امى اللى قالت

لسه الحواشي م الصدف

وكأنه حلم بيتعرف

وان جم قلولك أنه اعترف

ولا كنش فيه ريحة قرف

من امتى قلبي كان خزف

او حتى مره ح يتعرف

طعم القرف .. ..

امى اللى قالت

مش باقى فيه

غير شويه ويتعرف

….

نصر هاشم