أمي
وف غيابك يا أمي بحن لصوتك وانتي ندهاني
يا قلب القلب يا أمي في حضنك كنتي ضماني
وتدعي لي براحة القلب
وتدعي لي بطولة العمر
وتدعيلي بحب الناس
وتدعي اني ما اشوفش المر
وبفتكرك وانتي بتقولي اصبر ياحبيبي تنول
وبفتكرك وانتي لهفانه عليا عشان ادوق التمر
وفي دماغي بقول يااااما اا بحبك وانتي حباني
بحبك ايوه يا حببتي معاكي كل الامان جاني
واعلنتي الوداع فجأة وبعد الامان رايح
مفيش ولا ندهه على اسمي نسيت اسمي وعنواني
يا ماما يا أمي مشتاقلك بحبك وانتي جوايا
دموع عيني بتكوي القلب ولكن قدري وحداني
قصيدة بقلم محمد حسن عبد العليم
