قصيدة : انت بطل حكايتك . مسابقة الشعر العامي بقلم / أحمد رمضان

 الشاعر أحمد رمضان
قصيدة انت بطل حكايتك
شعر العامية
01032472866

https://www.facebook.com/profile.php?id=100085545167994&mibextid=ZbWKwL
قصيدة انت بطل حكايتك
انت بطل حكايتك
انت اكتر حد فايدك
ماشي في طريق نجاحك
هتوصل وبكفاحك
وبعزمك الشديد
قلبك من جوه حديد
وحلمك مش بعيد
بكرا يكونلك عيد
والكل يكون سعيد
خلي أملك كبير
ربك علي كل شيء قدير
مش ناسي دمعتك
في كل ليل سهرته
بكرا هيعوضك
عشان في السجود شكرته
وسندت في مرة حد
وفي حزنه سعدته
وسمعت عن مرض جارك
جريت عليه وزرته
والتار كان بإختيارك
وسامحت لوجه الله وفرحت عيلته
أبوك في كل مكان يتباهي بيك
عشان بترد غيبته
حياتك كتاب
صفحاته الأيام
وقلمك هوا الوقت
كله بإختيارك
فرحك أو إنهيارك
هدوءك أو جنانك
إيمانك أو شيطانك
تمشي يمين
تلقي الجنة في إنتظارك
صلاح قلبك هوا نجاحك
أي شيء يغريك
الله الغني عنه
والشر اللي يشدك ليه
إهرب لربك منه
كسبان الشر خسران
تارك الصلاة
مهموم وحيران
المجرم دايما هربان
لو هرب ف مرة لربه
هيلاقي حياته أمان
وكل شيء حواليه بيحبه
دور ع الخير يدور عليك
سيب ف القلوب حاجة حلوة
تفتكرك فيوم بيها
الدنيا مش مستاهلة
دمعة تنزل عليها
الدنيا رحلة قصيرة
وفي الآخرة جنة ربنا
بشق تمرة ممكن تحصل عليها
وتعيش ف النعيم بيها