الاسم:
سماح أنور محمد.
اسم الشهرة (سماح البدرى)
الفئة:
الشعر العامى
الدولة:
جمهورية مصرالعربية
المحافظة:
قنا.
ايميل الفيس بوك:
https://www.facebook.com/samah.anwer.9028
………………………………………………………….
“باتوه”
أنا فيك باتوه..
باغرق،
ومش واعية لشطوط،
بستنى منك السؤال،
بترد بالهجر اللئيم
ليه الجفا؟!
وأنا الدفا،
قولت ماحبتنيش!!
وطلعت دايب في الغرام،
كل اللي قولته كان كلام..
طاب هات عنيك في عنيا واسال..
بتحبني؟؟
ولا الهوى عليَّ مقدر؟؟!
جايز ماحستنيش،
لكني فيك أنا توهت،
سكنت شرايينك..
أعذرني لكني خوفت؟؟
وهل معقول أصدق؟؟
بأنى ليلى هذا العصر؟؟
وبقيت زليخة ويوسفي زايف!!
قريت في الحب ألف كتاب..
كل كتاب بيحكي عننا قصة،
عاشوها اتنين،
بفارق الوقت والديكورات..
معقول ماكنش ده حب؟؟
وليه أنا بشتاق؟؟
وحنيني للصدفة؟؟
لوردة من زحمة الورق جافة؟؟
لمطرة سايلة من عينى،
على ضفة رواية حب،
فيلم هووليودي لبنت وشاب..
كل اللي قولته كان كلام؟؟
وغلاوتي عندك؟!
وأنت بتحلفني بيك وسط الكلام..
ماكنش حب ؟!
حنية الصوت،
وأنا ساندة على كتفك بنام؟!
فعلا مهواش حب!!
لكنه أكبر من الهيام…
