قصيدة : بحبك مهما كنتي .للشاعر / بكر بسيونى

___ ( بحبك مهما كنتي ) ___

بتطلي زي الفجر

في عيون الربيع

يا روح بتسري في الجسد

يا حضن أنا فيه الرضيع

بتطبطبي لو يوم زعلت

و تسامحي لو مره غضبت

و تصبريني ببوسه ناديه ع الجبين

وترجعي لعيني ألأمل

وكان خلاص قرب يضيع

يا مصر ده أنتي في قلبنا

فرحة و حياه

وشمس دايما مشرقه

لما أشوفك تضحكي

بتنوري ليلي إللي طال

أنسي الأسية و التعب

و أسرح في إسمك بالخيال

بحروف كلامك في الجمل

شهد وعسل

بترشي عطر محبتك

فوق الجميع

وف عز ما أحنا في الخريف

بجمال عيوونك ورقتك

بترجعيني للربيع

* * * * *

بكر بسيوني