الاسم/مروه محمد.
الشهره/شاعره
شاعرة النيل
الفئه /الشعر العامي.
الدوله/جمهورية مصر العربية.
المنصورة_دقهليه.
اسم القصيدة/بحر المشاعر.
بحر المشاعر…
جواك حنين قد السنين
العين تشوفه في ليل حزين
حبه مشاعر محرومين
انا كنت حاسه بكل دقه
والهمسه كانت بين نارين
نار اني اقرب والمسك
واحضن ضلوعك وانا جوا منك
اقدر بأني اتنفسك
والتانيه اني احس بس لمس الايدين
بحر المشاعر انا كنت منه برتوي
وبكون في لحظه بين روحين
الاولي انت اخدتها والتانيه
متشاله كدا جوا الوتين
انا روحت فين جواك متاهه
بتاخدني فيها وبقول امين
زي الهوي حبك تملي يكون دوا
العقل مدرك انما القلب واخد طلقتين
صوت الرصاص زي النغم
قلبك هيدفع التمن
والعدل انك تبقا ليا متشوفش غيري
تفضل في حضني طول السنين
اول حروف الحب كانوا كلمتين
انت حبيبي ياكل حاجه
حبك دا رمز للسعاده
علمت قلبي ازاي يلين
بعد ماكنت ميته قلبي الحجر
حس الدفا نبعك ملاني بالحنين
لامس ايديني انت مليني
ايه تاني بس اتمني اعيشه ردي ياعين
احكي وقولي
وانا جوا منه حاسه الحياه
وعشقت حضنه من غيره
انا مقدرش اعيش
فابلاش تداري لهفتك
احضني وامسح دمعتك
وارمي حمول قد الجبال لو واجهتك
وانت معايا طمني قولي متخافيش
كل الوجع بيهون كدا وقت مااشوفِك
ياحبيبتي ضميني قوي ومتبعديش
حسي غرامي قولي بحبك
خليك قويه متخافيش
انا كلي ليكي هفضل
معاكي متقلقيش
والعمر بعدك ميساويش
ياحبيبتي حاسك جوا مني مبتغبيش
كل الحكايه انتي قصيدة
موجودة دايما ع القفيش
زي الروايا احداثها تسرد
للنهايه بحر المشاعر
قصه غرام مبتنتهيش.
بقلمي:مروه محمد.
