قصيدة : بعترفلك . مسابقة الشعر العامى بقلم / رضا السيد محمد دياب

لو حكيت عنِّكْ كِتير

أكيد حلاقى كلام كِتير

أقدر أعبر عنّهُ ليكى

لأنّهُ فيكى أكيد أسير

ما انتى روحى وإنتى قلبى

وإنتى أكتر شيئ فاضلى

حتى إحساسى حبيبتى

كُله ليكى وموش كتير

* * * *

بعترفلك ياحبيبتى

قد إيه حُبك حقيقتى

ولا همسه من عيونك

قد إيه خطفتلى قلبى

يا حياتى أنا كُلى ليكى

وعُمرى كُله بين إيديكى

صدقينى أنا مشتريكى

ومُستعد معاكى أطير

ما انتى روحى وإنتى قلبى

وإنتى أكتر شيئ فاضلى

حتى إحساسى حبيبتى

كُله ليكى وموش كتير

* * * *

لو سألتى قلبى مره

حُبى ليكى قد إيه

حيعترفلك ألف مره

إنك إنتى كتير عليه

صدقينى ياحِلم عُمرى

يا اللى دايماً فيكى عُمرى

حُبى ليكى هو قدرى

بعيش معاه سنين كتر