قصيدة : بغني برغم إنكسار الوتر .. مسابقة الشعر العامي بقلم / رمضام فؤاد السيد وفا

خاص بالمسابقة
الإسم/ رمضان فؤاد السيد وفا
جمهورية مصر العربية
رقم تليفونك والوتس
01095027806
*********

لينك صفحة الفيس

https://www.facebook.com/profile.php?id=100010935495609&mibextid=ZbWKwL
******************؟
قصيدة
بغني برغم إنكسار الوتر
أشعار بالعامية المصرية
******************
بغني برغم إنكسار الوتر
ورغم الأماني إللي راحت بلاش
وحبي إللي ولى وفرحي إللي باش
وإبني إللي راح لك ِ يحارب مجاش
ودمع الحبايب عليه منتهاش
وأمه بتبكي بشوق مرتواش
وقلبي على إبني داب وإنفطر
وأغني برغم إنكسار الوتر

بغني لأنكِ ف ضلكِ نميت
وشمسكِ تغني على كل حيط
ف سرحة وزرعة وقلعة ف غيط
ف لقمة صغيرة ف قلة ف بيـت
ف نومة حصيرة وتوتة ياريت
ورغم إني بأشحت يا غالية الكَبّر
بغني برغم إنكسار الوتر

بغني ف نسمة عصاري تهفهف
بتأخذ شراعي ف هواها يرفرف
وتفرد شباك الأماني وتحدف
طيورالنوارس بتملا وتغرف
بغني وإسمكِ عشانه بجدف
ولما تعدي بتنسي النفر
وأغني برغم إنكسار الوتر

بغني لنيلكِ وخضرة ربيعكِ
ولوغبت عنكِ بسرعة أجي لكِ
أبوس الأيادي وأعشق عيونكِ
لأنكِ يا غالية أصيلة ف طبعكِ
ومعرفش إيه إللي غير عوايدكِ
وأصبحتي قاسية وكلكِ حفر
وأغني برغم إنكسار الوتر

بغني ف سهرة ف ضى القمر
ف بسمة وضحكة ولادي الصغار
ف لمحة ومشية ولعبة وهزار
بغني ولكن همومي كتار
وصبري بينفد ونفسي في عمار
وأظن إنتي عارفة بأني بشر
وأغني برغم إنكسار الوتر

بغني ليلاتي وبأنده عليكي
وصوتي بيوصل لكل الحبايب
ومعرفشي إمتى راح تسمعيني
وامتى يا غالية تشوفني عنيكي
وامتى حنانك راح يحتويني
ورغم إني عارف ف قربكِ خطر
بغني برغم إنكسار الوتر

بغني وبأزرع ف روحي الأمل
وبأكتب عشانكِ نشيد العمل
ودمي وروحي حلالكِ بلالكِ
وزندي إللي عانكِ وميل وشالكِ
وامتى تحسي بأني بطل
ورغم إنحصاري ف سجن الحذر
بغني برغم إنكسار الوتر

بغني ودمعي ف عيوني خجول
وقلبي عليكي دايماً صبور
وواهب وجودي وواقف طبور
ودايماً بتنسي دموعي السيول
وترمي حياتي ف إشارت مرور
ورغم إني شفت ف عنادكِ عبر
بغني برغم إنكسار الوتر

بغني لتاريخي وأصلي وجدودي
وأكّسّرْ برودي وصمتي وجمودي
وأعدل ف طهري وأصلب ف عودي
وأربي ولادي وأوفي بوعودي
وإمتى يامصر الحضارة تعودي
وتشوفي تاني ضي القمر
بغني برغم إنكسار الوتر
****************
رمضان فؤاد السيد وفا