فئة شِعر العامية (بقى دا اسمه كلام!) الاسم: محمد خميس محمد الشهرة: محمد خميس الحاوى مِصر واتساب: 01227458678 بقى دا اسمه كلام!!! بتسيب يا آدم ليه الجنة وتنام عَ الأرض؟!! مِن بعد الراحة ما كات سُنّة بقى تعبك فرض وبقيت كل حياة تتمنى بالطول تتقضّى أو بالعرض تِخْلَص .. يمكن تِرجع جَنّة و شطانك يِشبع نار للرّمْد مُضطر ماتحسِبش سعادتك واستنى السّعد ليوم العرض وحَياتك .. ضَجِّتْ وِحياتك من جَزر ومَد شقيان .. شقيان وأولادك الفتيان لو جتهم فتنة يقطّعوا بعض بالدين بسياسة بجوازهم لو حتى اختلفوا فـِ شِبرين أرض باسم الديانات تِمًّا دبحوا واتهيّأ لجميعهم ربحوا واغتالوا الوَرد وحروب! .. وحروب لسنين لاسباب تافهين والناس تايهين واتهتك العرض بشرية ، مش عَرض صبية لأ.. كُلّ العَرض النخوة اتهانت بشهامة دابت مروءتهم تلجة فِـ شَرد أمراض دنياه احتلت عَضمُه دُخلة فيروس على دور البرد ومبادؤه انجزَئِت بالنووي دى انقلبت ضِد يسند فِ اخواته، اسمه سندهم فِ الضهر يهِدّ يفضل جنبك طول النعمة يجي يوم ما تروح يعمل أعمى ويلعب بالنرد وبيوت تتهدّ وناس عاشوا من تحت الهَدّ وناس تانية ماتت فِ حياتها مِن قطع الوِد دا العقد الـ ماضياه الدنيا مفيهوش ولا بَند بينُص إنك هتعيش إنسان مش سلسلة بقِرد بتسيب يا آدم ليه الجنة وتنام عَ الأرض بعد الرّاحة ما كانت سُنة بقى تعبك فرض
