ط
الشعر والأدب

قصيدة (بنتباعد) للشاعرة / نيفين الطويل

بنتباعد

ونخلف مهما نتواعد

وعند ف بعضنا نساعد

ماحدش فينا ساب ساعد

نسند جرح روحنا عليه

ولما البعد ساعته تعد

بنتجمع مع الخيالات وبندمع

والمه ف صدرى بيسمع

ويفضل وجعى رغم البعد

ونتجبر وجرحى من الكرامه اكبر

وننزف برده نتكبر

واشوفنا ازاى بنغرق والرجوع البر

وبرده نصر نتصبر

ومليون شط يحضنا فانتحير

وصعب بجد نتغير

ونقصد نرمى روحنا عليه

فايحدفنا

نخاف نرجع ماينصفنا

وصدمة جديده تكسفنا

وياما ف حضنه خوفنا

ماكنش فحضنه بيشوفنا وشاف

الكل أليق بيه

وموقفناش للحظه نقول حبيبي بلاش

ولا اتلفت ولا استناش يودعنى

ولا سمعته ولا سمعنى

وكان كالعاده بيبعني

ماعادش ف إيدى غير

يعنى سلامى إليه

ده كان نصى

ساعات القسوه بتنسي

خرست القلب من يأسي

مسحت دموعى من نفسي وعزيتها

ولو عالوحده صاحبتني و عزيتها

وحجم الآه وعزتها

هاموت ولا إنى ارجع ليه

فابستحمل

وبدعى إن الفراق بالكدب يتجمل

واسيبه ف سكته يكمل

وكام ذكرى هانتحمل

وكام نخزة وجع نداريه

وهاتعدى

وعيش كل القصص بعدى

بطل ف روايه خيالية

لقيت النص مش ليه

كتبته ف مين وإمتى بجد

كان ليه وفاكر لسه هسأل ليه؟؟

وبالمره

تتقل لو تخون بره

وتتصور صور ماعدتش ليه مره؟؟

آلامى من اللى فات مره

ما عادش جديد وجع يوازيه

وميت داعى

عشان تشمت ف اوجاعى

وأسهل حاجه دى خداعى

لويت بالحب ف دراعي

نويت أو خنت تفرق ايه؟؟؟

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى