سنين عدت بنتناهد
اتاري العمر متاخد
كأن العشق ده مكتوب
يكون اول بدون اخر
عشنا ب الامل فيكى
خطاية ساندة خطاويكي
رسمتك حلم فى عروقى
يا محلى الحلم بعنيكي
كتبتك شعر بالالوان
عزفتك اجمل الالحان
بنيتك فى قلبى انا معبد
يكفي الانس ويا الجان
وهبتك عمرى والايام
وصلنا لجنة الاحلام
بدرتك بين حناية الروح
لقيت طرحي ف قلبي سلام
ندهتينى وقفت طابور
على نفسي قبلت اثور
بقيت شايلك على جناحى
برغم ان الجناح مكسور
مشيت بيكى فى وسط النار
ونجيتك بقينا احرار
لقيتك ملتي على كتفي
شحنتي القلب ب الاصرار
مشيت على بحر امجادك
يا عز وفخر ل ولادك
فرد شراعى وسط الريح
وسبت الدفه ل مزاجك
عشان القلب بيحبك
بيتحمل وبيسامحك
ويعلن حربه على ذاتى
ويحلف انه مخلوقلك
مدام قمرك ف احضاني
وشمسك حافظة عنوانى
على جناحى اللى عاش مكسور
هطير انا بيكى من تانى
وهعلن حرب على الماضى
عشان قلبك يكون راضي
واعوض عمر كان مسروق
وضاع منك على الفاضى
وتبقالك عيونى التاج
واكون الدم فى وريدك
بقدملك حلاوة العمر
عشان تكوينى من طينك
الاسم سعد سعيد هبيل سعيد
الشهرة سعد السعيد
فيس بوك سعد السعيد
مصر
اسيوط
ابوتيج
فون+واتس
01226687864
مجال المشاركة شعر عامية مصري
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
