قصيدة : بواقي الضي . مسابقة الشعر العامى بقلم / تيام عبد الحي الشافعي

أنا جسمي شقّـق من فراقك إنما

قلبي بيروي المحرومين

حبة بواقي مـ اللُـقا

على ريحة خضرا من عيون الاشتياق

قـُـــربك / فـــــــراق

بيعـذّب أكتر مـ اللي راح

كل الجــــــراح

ساجدة بتبكي فـ مهجتي

وانا ليه بواقي جتتي

قادرة تشمّـك في الغياب

الشــــوق / عــــــــذاب

مش قادر أبكي أو أنوح

وانتي وريدك كله بــوح

كالنيل بيسري في الضلوع

شـدِّي الدموع

من قلب حزني اللي انكسر في البرد مرمي في الطريق

حتى الرفيق

مش قادر إنه

يشفي ليلي اللي اشتياقه عَــدّا حد الاشتهاء

يا غُلب سُـهدي اللي إنطعن في الكبد مش قادر يبوح

واهي كل روح

رافعة إيديها لعشقها طالبه المزيـد

يا مستـزيد

الأرض مش متحمّلة ندهة ولي

نزلت دموعه لما شاف المحرومين

مقلوع ضوافر حلمهم بالغدر ولا بالغباء

الأرض مش متحملة صرخة نداء

متعـلّـقة فـ حبل الوريد

مشتاقة يرويها اللقا حضنه الحلال

حضن انتظار الرحمة للإبن الرضيع

حضن الدموع

لمّا

تناجي