مشاركتي في مهرجان همسة الدولي
للأدب والفنون 2025
فرع العامية المصرية
( بيتنا القديم )
بيتنا القديم اللي شايل حكاوي
وشايل بواقي من الذكريات
بيتنا الصغير كبير بالمحبه
واحشني واوقولها بكل اللغات
ف سطحك يا بيتنا لعبنا سهرنا
حيطانك اوتنا وبابك سترنا
زير والحصيره وسيره أصيله
وضحكه جميله تضوي قمرنا
وناس حلوه ياما وسابت علامه
وذكرى جميلة بتحكي سهرنا
ووقت الشدايد قلوبهم تبان
تطيب خواطر تقدر ظروفك
وتفتح قصادك كل البيبان
وتبقى ونيسك ف حيرتك وخوفك
ليالي المحبه يا ريت لو تعودي
تنادي الأحبة يصحوا وجودي
يا عمري وعدا يا روحي وشارده
يا ريت بالمودة علينا تجودي
ونرجع لصفو القلوب الرحيمه
مشاعر نبيله ونيه سليمه
ورغم البيوت الحديثه وجمالها
ولا لحظه ننسى بيوتنا القديمه
اسم المتسابقه
أمل عبد المنعم حسين
الشهرة / أمل تاج
جمهورية مصر العربيه
لينك صفحه الفيس
https://www.facebook.com/share/15YMVu9Xyg/
