قصيدة / بيت جدى
محمد السرحاني
اسمي محمد السرحاني من محافظه المنيا
انا فاكر لما وسط اللمه
في بيت جدي قبل ما ابويه
يجيب البيت
كنا بنقعد عالطبليه
يجي بالعشره والعشرين
كنا ندوق طعم العشره
لما بناكل جبنه قريش
ولما بنسمع سيره الهجره
كنا نقول بلادنا اولابنا فيها نعيش
كنا بنجمع ساعه السهره
حلاوه وعيش
وعمي الاكبر لما ولادوا كانو ينادوا
كانوا يقولوا تعالي يا اخونا
كنا حبايب
كنا اصحاب
كنا اكتر من بيقولوا اتنين اخوات
وكانوا جيرانه زي العيله
في وقت الجد تبان الهيبه
ولما حريمنا كات تتكلم
مبتطلعش ساعيتها العيبه
عمي الاصغر قرر انه يتحوز
كان يوماتي في حوق صغير
كان بيحوش
وصوت جدي كان مالي علينا البيت
كات تجمعنا كوبايه الشاي في وسط الغيط
ويامحلي فطيره ستي عالفرن البلدي
تحسه العيد
ونسمه الهوا ساعيتها
كات احسنها من ميت تكييف
وصوت الراديو كان شغال
علي عبدالباسط
ولما نفرفش كنا نشغل عبدالحليم
ويد عمي كان قدي
ولما نعدي قدام جدي كنا نخاف
مين بس كان بيخالف
كلمه جدي
ولما بنسمع ان فلان اتخانق ويا فلان
من اجل عيال
كنا بنضحك
هما عيال ويا عيال
مين هيغلب ومين اتعاب
وبعد ساعات كنا نشوفهم في نفس اللعبه
وسط الشارع متشاركين
كانوا الناس زي الزرعه
نابته في طين
ولما نسير نروح المدرسه
كنا نعدي من الشارع التاني
اصل الاستاذ شافنا
كنا نخاف تحت مايسمي الاحترام
باب البيت كان مفتوح علي باب الجار
وكان ممنوع ساعيتها اسم العار
وكنا بندعي لما يقولوا دوله سين او عيله سين
فيها دمار
والاكله الحلوه في الافراح
كله براح
انا فاكر لما وسط اللمه في بيت جدي
فرحه عمي اصغر واحد
وكان الواحد بيفرح ليه
وكنا بندعي الواحد نكون زييه
مش زي زمانه الحال اتغير
ومش عارف ليه
عمي الاكبر جاب البيت
عمي التاني جاب البيت
عمي الاصغر جاب البيت
وبردوا ابويه جاب البيت
ونسينا ساعيتها شغل الغيط
ورمينا الراديو وجبنا الشاشه
بعد ما كان كل مكان هواه خفافه
جه التكييف في فصل الصيف
وباب الجار قفل الجار وساب الحاره
والتلميذ بقي يشرب عادي
قدام الاستاذ اي سيجاره
ولما بنزهق نجيب سناره
ونستني قصاد البحر
ولما مبتصدش
نزعل
حظنا نحس
نفسي احس ببيت جدي
مات جدي
ولسانا اخوات بردوا
ويد عمي لساه قدي
لكن قلت ده حدي
والبركه قلت تعدي الايام والبركه تقل
والكل يمل
ونشوف الصوره دلوقتي وصوره جدي
نقعد نبكي
وستي بتحاول تنسي ومبتنساش
ياريته عاش ياريته مامات
ياريت زمنا ياريته ماجاش
انا فاكر لما وسط اللمه في بيت جدي
قبل ما ابويه يجيب البيت
ولسه بنعدي لجدي ومبننساش
…..السرحاني
