مهرجان همسة الدولى للأداب والفنون تاج مثالي
تاج مثالي لكل أم
اللي ضحت واللي ضمت
واللي سهرت واللي ربت
واللي شالت كل هم
اللي ادت من حياتها
ومن صباها ومن شبابها
اللي وقت ما ولدتك
مين معاها شال عذابها ؟
اللي سهرت لجل راحتك
تدي حب بدون حساب
إمتى سابتك يوم لوحدك ؟
عمرها ما ترد باب
تاج مثالي
جنب منه أحلا وردة
للي وقت الشدة ساندة
للي عايشه جوا قلبي
اللي بيها تملي جامدة
للأمومة فـ كل دين
للأمومة فـ كل جانب
للي قويت عـ السنين
من حنانها قلبي شارب
للأمومة فـ كل دار
كل شبر بيحكي فيها
اللي شقيت ليل نهار
اللي أنا بتباها بيها
لما كنا زمان صغار
لو نخاف بنطير عليها
حتى لما العمر دار
لسه برضه فـ حوجه ليها
تاج مثالي
للي لو لفيت بلاد
حضنها يندهلي وارجع
اللي ما يحلالها زاد
إلا لما جوفي يشبع
اللي صبرت واللي كبرت
والحمول كبرت معاها
أمي لو هديها عمري
عادي بس أنول رضاها
————————————
مهرجان همسة الدولى للأداب والفنون
شعر عامية قصيدة تاج مثالى للشاعرة
أمل عبد المنعم حسين / جمهورية مصر العربية
اسم الشهرة أمل تاج / تليفون وواتس https://www.facebook.com/profile.php?id=100077892530836&mibextid=2JQ9oc
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
تاج مثالي 
