تحت القبة
كل لصوص القوت
فمتنتنظرش
من شجر السنط ثمرة توت
توت – توت
الكل بيدفع و يفوت
شعبنا هلفوت
يتباع بجنيه
و يدى حرامى لقب البيه
معذور
فى شهادته الزور
مخنوق من الزور
و يدوب العيشه بطلوع الروح
الجته مليانه جروح
و اللى أيده ع الدفه
عجباه الزفه
و يوثق وينسق فى الاوراق
شئ شاق
شلة على بابا
القبة بتوصل لمغاره
انفاق و نفاق
و امين السر
مطبطه و حصانه و يعيش ع الخلق الدور
ازى الحال
واصلين للكرسى بمال
البند التانى
يا تكون رقاص
يا تكون طبال
دورك فى الفيلم
و الشعب الكومبارس ارتاح
خلص الدور
و قبضت التمن المطلوب
معلكش ذنوب
و اوع تنتظر الحلم
راح بنعتلك اوردر اول ما نعيد الفيلم
محمد خليل
