مصطفي محمود خليفه يوسف علي جمهورية مصر العربية
مسابقة الشعر العمي
قصيدة
تلف الدنيا مية لفة
وبرضه الغلطة رجعالك
ميزان أيامنا له كفة
وليك و عليك هيبقالك
فكرت في رهان خسران
رهان خايب
عشان فكرك مكنش نضيف
بتلعب ليه
بقلب بريء و بتوسخ في
حد شريف
وتيجي معاك مآمنالك
مسلمة ليك
و عاوزة جرحها يتلم
تلاقي ايدين بتضغط
على الوجع دايما
وتأذيها و مش مهتم
وبنقابل كتير شياطين
كبني ادمين بلحم و دم
بنيت حائط من البطولات
بتكتب فيه ضحايا بنات
خلاص قاعد بتتفنن
و بتقنن قواعد اللعبة
بتحط السيناريو ازاي
تجيبها وان كانت صعبة
و لعبة ف لعبة ترميها
وتزهق تاني فتجرب
وتعرف لعبة بعديها
تخاف لو تعجبك تهرب
نصيحتي اليك
تلف الدنيا مية لفة
وبرضه الغلطة رجعالك
ميزان أيامنا له كفة
وليك و عليك هيبقالك
معنى العدل والمساواه
يجري الدمع في عيونك
تدوق الذل و المعاناه
بأيدين واحدة من لونك
فكن م الان
شارد قلقان
وكما تدين
تصبح مدان
ودائرة مابين
خاين بالقصد
مشاعر زور
جريمة عمد
ماتطرح ورد
ارضك بور
قصاد الشات
وع الشاشات
بتكشف ليه
رصيد الستر من المولى
وربك بمهلك لكن
فيه وقت حساب
فتحسب حسبتك اولى
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
