قصيدة : توهه . للشاعرة / مي عصام نبيل

معلش انا توهت
مش قادره ارجع زي ما كنت
كان كل ما عنوان يتغير
بنقص حته
بتضيع ذكرى
كل ما بيغيب من عمري حبيب
بيضيع وياه عنوان بيتنا
كان بيت العيلة يجمعنا
كل ما ينقص مننا واحد
يتغير وياه عنوان
وتضيع اللمة
اصبحنا مفيش في الدنيا مكان بيساعنا
والكون الواسع بيضيق
بقى أضيق من شقة جدي
اللي زمان كانت قد الدنيا
بتتغير ياما حاجات فينا
وحاجات باقيه
معقولة حياتنا تغيرنا
ولا الطفلة دي كانت مش فاهمه
قال يعني فهمت!
معقولة كبرت ؟
لسه انا بتعلم م الدنيا
وبخطي كما الطفلة وبحبي
وبقع مليون مره
ومره اقدر اخطيها واعدي
بتجيبني الدنيا وبتودي
جوايا الطفلة متكبرشي
بتشعلق في الماضي بقوه
وان عاد الماضي أنا مرجعشي
معلش انا توهت
مش قادره ارجع زي ما كنت

مي عصام نبيل