. وحياة من علم الطير يغرد على الشجر ويسبح .. وحياة من علم السمك فين أتولد .. و لنفس المكان يرجع من تاني يسبح .. أكتب أنا والدمع من العيون نازل .. والفكر فيك ليل ونهار عمال بيسرح .. والقلب الحزين من يومه .. نفسه بجد مره يجيله يوم و يفرح .. عاوز أشكيلك همي وغمي وتعبي .. إلي داير ورايا في كل مكان و مطرح .. ونفسي بجد أعرف منك يا حبيبتي .. تعرفي فين ثمار الفرح بتطرح .. حبيبتي .. إن كان الفرح أنهزم أمام الحزن في يوم .. وأنا مليش أي ذنب .. طاب ليه الفرح عاداني .. فإياك تفارقيني يوم تانى .. فالفراق موش سهل أبداً .. أبات أتقلب على الجمر .. وأنا إلي وحدي أبات سهران .. أناجي النجوم والنوم جافاني .. وأنت من بدري زي كل يوم تنامي .. أحبك وحتى لو حصلت للموت .. والله ما أحب بعدك أبداً حد تاني .. وإزاي أنا أهون عليك وأنت مليا عليا روحي وكياني .. وأنا إلي نسيت علشانك الناس والأهل والخلاني .. أسمع من الناس كلام .. قالوا إنك عاوزه تنسيني …؟ أنا لصوتك دائماً أتمنى .. ولمشيتك بين الضلوع و مع الدم في الشريان .. يسألوني الناس ليه أنت متغير .. أسكت .. ما أنا أخجل إن جاء إسمك .. حتى سهواً ومن غير قصد مره على لساني .. تغريدة عشق احمد بيومي ..
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
