قصيدة : ثوانى . مسابقة الشعر العامى بقلم / نادية محمد

الاسم : نادية محمد محمد سعد
اسم الشهرة : نادية سعد
البلد : مصر

رابط صفحة الفيسبوك : https://www.facebook.com/naghamatnada/
نوع المشاركة : شعر عامية
عنوان المشاركة : ثواني
.. ثواني ..
هات ايدك
هات ايدك احضن ايدى
تعالى نعدى حدود الخوف
خلينا نطوف … فـ براح الكون
ليه نفضل واقفين فى مكاننا
محلك سر
والايام حوالينا تمر
نشوف فيها النور
من ورى جدران الاحلام
وننام ….
نحلم بالبحر وبالامواج
من لحظة ما قبلتك ..
اخدت قرارى باصرار
هبدأ وياك تانى المشوار
والموج العالى فى حضن الليل …
مش ممكن يكسرنى
فكرنى …
لو كان اليأس فى لحظة غلبنا
او شبح البعد معه غلّبنا
لأ سيبنا …
وتعالى نرجع لقمرنا ضياه
للليل السهران ويانا غناه
دى اللحظة الفرحانة
بضحكتنا …
بلمتنا …
حياة .
هات ايدك احضن ايامى
ودوب
ده يادوب ….
الفاضل فى زمانا ساعات
وساعات …
بتعدى الثانية سنين … احزان
فبلاش تتسرب دقات الساعة
من وسط تروس الايام
ونلاقى البندول الحاير
اتجمد …
فى جليد اوهام