قصيدة : جرافيتى . مسابقة الشعر العامي بقلم / طلعت عبدالعاطى راغب

قصيدة جرافيتى

جـــــرافيـــتى

——–

مش محتاجين لكتاب

يحكى لولادى حكايتى

سايب تاريخى ع الحيطان

مليون كتاب فى الجرافيتى

وقت الفيران فى الجحور

كنت فى ميدانك باثور

وأهدم نظام مغرور

شانق بإيده رقبتى

وإقروا التاريخ فى الجرافيتى

ومكتفين حلمنا

ومسوسين عضمنا

ومسرطنين زرعنا

وكمان بيكسر إرادتى

وإقروا التاريخ فى الجرافيتى

ياما قلنا إرحم .. كفاية

ياماعشنا نحلم ب .. آية

كما قارون فى الحكاية

والرب يرفع لى هامتى

وإقروا التاريخ فى الجرافيتى

ورسمت حبك بريشتى

ورضيت بِذُلِك فى عيشتى

وإنتى اللى أمى وحبيبتى

راضية بكَسرة كرامتى

وإقروا التاريخ فى الجرافيتى

وبرغم طعم المرار

فى هواكى ليل ونهار

وبعد طول إنكسار

نفضتى آسرك وثورتى

وإقروا التاريخ فى الجرافيتى

شديتى أذرى فى ميدانك

وصرخنا لأ للى خانك

ماانا أصلى ثاير عشانك

رجعتلى تانى جرأتى

وإقروا التاريخ فى الجرافيتى

ورفضت فيكى إنكسارك

وحلفت لآخد بتارك

أرسم خطاوى إنتصارك

والروح تهون لجلك انتى

وإقروا التاريخ فى الجرافيتى

———————————-

كلماتى

طلعت عبد العاطى

( الأفضـل )

مصر