الاسم :كريمان محمد عبد السلام
اسم الشهرة: كريمان سالم
رقم الهاتف: 01006324193
لينك الصفحة علي الفيس بوك: https://www.facebook.com/profile.php?id=100070446530838…
المجال المشترك به بالمسابقة : قصيدة عامية
اسم العمل : جوابات ✨✨✨✨
أول جواب لأمي الحبيبة
من بعد غيبة مطولة
من بعد طول الإنتظار
وسط الحصار
رجعتلي تاني عيوني جاية محملة
مليون سلام لعيونك انت
يا حبيبتي و غنوتي
يا فجر عمري اللي كتبتي قصتي
أمتي ارتمي في حضنك يا أمي قربي
حضنك مقامي و قبلتي
ابكيني يامه لجل متوضي بطهرك مالذموب
و ادعيلي اتوب
من كل اوجااع القلوب
ابكيني يا مه قلبي عطشان من سنين
خلي الخمايل جوة مني يضللوا
اروي الحنين
ابكيني يامه طفي ناري و حرقتي
نفسي في ايديكي فوق خدودي
تمسحيلي دمعتي
يااا لوعتي!!
يا امُ العيون متبسمة
انا عارف ان بكاكي صعب
و الدمعة فوق خدك بتحفر الف قلب
لكن دموعك جوة مني مجسمة
…
تاني جواب لامي الحبيبة
من بعد طول الاشتياق
من بعد طول قلبي مداق طعم الاسي
و التوهه من غير الرفيق
و انت الرفيق
و انا قلبي تايه في اللقيٰ
من غير لقيٰ
قلبي بيفرح لما صوتك بيناديني
طيفك يجيني
يدفي قلبي و يداويني
من جرح قلبي اللي راميني
علي صدرك المفروش بحبك يا حنيني
لعيونك السودة اللي نورها بيداريني
من اي حاجة حتي لو كان ضيّ عيني
اللي بيرفض ينتحر غير فوق رموشك
يا حبيبتي قربي
مدي اديكي و طبطبي
علي ضهري شديلي اللحاف
و احكيلي حكاويكي اللي كانت من زمان
احكيلي و احلف اني عمري ما هخاف
و ازاي اخاف و انت الامان!
…..
تالت جواب لأمي الحبيبة
من بعد فترة من الزمن
قلبي خلاص مل الفراق
باع السنين و خد التمن
يامه افرشيلي الارض حنة و زغرطي
فوق السطوح هاتي الحمام و البط يالا و زغطي
لمي السنابل مالغطان
لمي الصبايا و اختاريلي عروسة حلوة صغيرة
نفسي احس بحضن مليان بالحنان
يالا اخبزيلي فطيرك
اللي واحشني يامه من زمان
و واحشني صوتك و انت بتناجي الحمام
و وحشني ضمة حضنك الدافي
آه يا سلاااام
اوعي يامه اشوف دموعك لما اجيكي
راجع و حالف لاروي قلبي من عنيكي
من حنانك يا حنانك يا حنيني
يا ضي عيني ..
انا جي يامه بالسلامة
في عيوني ليكي ابتسامة
و تكون بقي..
اخر جواب…
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
