..( جود افتر نوم ).. عزيزى البخت خلاص مليت وأملى ياريت تكون جنبى وتسمعنى زهقت خلاص من العيشه مافيش إخلاص فمن فضلك تبصلنا ولو أمكن تجيبلى بخور عشان النحس ملازمنى وبالمرة .. ده لو أمكن تجيب لى دولاب بسراحة ماليها ذواق مناظر ناس بتتظاهر ده شكله جميل و شكله تملي فى الفورمة حرامى غسيل ونفسى كمان ف ولاعة عشان احرق جثث عايشة .. ومتباعة لطوب الأرض ولو صادفك وشوش إتيكيت تعلم ف الولاد فى البيت فمن فضلك بلاش تنكيت بندفع للدروس الفرض ولو تعرف إزاز للقطر وحاجز يمنع الحادث ومسئول تسأله ويرد ومايقولشى دا عيب حارس ويعنى ياريت ضمير تيك اواي فى وقت الكعبلة يعرف يروح فار اواي ومن فضلك تشوفلى قانون ماهوش مجنون .. يحاكمني عزيزى البخت كمل نوم جود افتر .. نوم ماتزعلشي .
