حبى ليكى ... .... حبى ليكى مش يادوب حرفين كتابة حبى يشبه للسحابة اللى ترمى المية تنزل فوق خدود الارض تحيى اى شئ من بعد موت حبى شجرة ربيعها توت طعمه عز المر شهد حب خلا الدم اسمك حب خلا القلب صورتك واما بلمح بس ضلك روحى بالاشواق تمد واما جزر الشوق يمد قلبى يتحول لمركب جوة بحر الحب ياخدك مجدافينى من وريدى والشراع من غزل رمشك تنتفص امواج حنانى تيجى جرى لحد عندك يبقى قلبى امير ولكن عند عرشك يبقى عبدك حبى ليكى . مش يدوب حرفين كتابة يخلصوا على ربع سطر دانتى لما الليل يزورك حبى يبقى ف لحظة فجر والنسيم يبدأ يهفهف لو عليكى الدنيا حر يبقى حرف الحاء حياتى يبقى حرف الباء بداية تدخلى جوة الرواية تلقى صورتك فيا طاقة ع السما مفتوحة قدر لو سنين العمر مهر ح ادعى يبقوا الف عام لجل افرشهم ف سكة تمشى فيها طول حياتك وابقى وحياتك قصادك فوق حصان الحب فارس للاميرة القاعدة خادم وارسم الدقات نوارس تيجى وترفرف عليكى بالجناح تبعت نسايم واخدة من رقة عنيكى وازرع الحنين جناين والورود من كل نوع كل شوك الورد ليا والعطور تبقى ف ايديكى صدقينى حبى ليكى عدى خط الاحتمال حب اكبر م الحقيقة حب اجمل م الخيال واما يبقى الشوق جبال فوق كتافى ح اشيلها وامشى بين دروب الصحرا هايم اعزفك اجمل اغانى كلها بتقول . ب حبك
