إبداعاتك فارقه جداً
في المخاطره والإندماج
بس عقلك لسه نايم
جوه سجن ف قصر عاج
عارف يعني أيه
في حِكمه
تبهرك حد الذهول
واللي جوه الحِكمه جداً
حد فاصل للعقول
فلسفياً• أنت ناطق للحوار
منطقياً• أنت أستاذ ف الهزار
عقلانياً• بره تلج وجوه نار
تاريخياً• جمره تتحول دمار
لو فى يوم الحب جالك ولا زار
ولا خبط فوق ضلوعك
ولا نفض عن جوارحك الغبار
حتي قلبك
اللي قوقع إحساساتك
من سكاتك
قرب يوصل لِنهيار
عتق الحزن في عيونك
فك قيده وشيل ظنونك
وإترك العنان لقلبك
يكتشف تفاصيل جنونك
وافرش الحب ف مساحته
وابدر التفاصيل في ساحته
عيشه شوقه براحته
وكفايا قيد السنين
شعرك الأبيض حزين
ليه بتحسب كل حاجه
كل تفصيله ف إزازه
نفسي تاخد يوم إجازه
وتنسي مره أنت مين
إفتح للمسموح يومين
وارمي تجاعيد السنين
ف الشمال ولا اليمين
هي فارقه ؟؟
دول يومين
ثانيتين …لحظتين
تنسي فيهم أنت مين
إرمي عكاز الأنين
واكسر شماعة الروتين
حط برفان الحنين
إفتح للروح حبتين
يجري أيه ؟!
يجري أيه لو يوم وقعت
قوم وعافر لسه وقت
جدد المحاوله تاني
غني وابدأ بالأماني
كأنك لسه ماتولدت
واخلع التوب العقيم
سلوي صلاح شحاته
الشهيرة ب سلوي العيني
مصر المنصورة
01010150039
