البنت اللي خساره تنام
بتنام
وتسيبني لوحدي في صفحتها
زي الخدام
اغسل وامسح واكنس
واعمل لايكات
البنت اللي بحارب دايما علشانها
كل العاشقين
وبغير من صوره تنزلها
بمليون إعجاب
زي المجانين
مجنونتي الأجمل في العالم
قلت لها انا عاشق يا حبيبتي
مش عارف أنام
ودبحني الرد في لحظتها
من غير سكاكين
البنت المخلوقه بتضحك
مخبوزه من طين المسك
وعجين الياسمين
دى ملاك وبتشبه م الآخر
للبني آدمين
البنت اللي انا لسه معلق
على آخر بوست في صفحتها
وكتبت حرام
حراااااااام
امين عبدالقادر مراد
جمهوريه مصر العربيه
ت/01068139712
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
