ط
مسابقة الشعر العامى

قصيدة : حرف باهت .مسابقة الشعر العامى بقلم / علا قنديل

علا ابراهيم فتحى محمد

(علا قنديل)

شعر عامية

القاهره

حرف باهت

خلاص حاسيبك

من سكات

بعتذرلك

قلبي مات

واللي فاضل بس منا

هما حبة

ذكريات

قلبي عاش يسقيك محبه

وبإيديك

تسقيه آهات

بعت عشره عمر غاليه

والآمان

آهو راح وفات

والحنان كان تمثيليه

والكلام

شبه السكات

إبقى دور يوم عليا

حاول تعرف الحقيقه

شوف حياتك

أيه فى بعدى

وإنى من ظلمك بريئه

مهما عدت ذكرياتك

مش حافكر

لو دقيقه

مش حاكمل مسرحيه

قمت فيها بدور ضحيه

مش حاكرر نسخة مني

ومش حاكون

من تاني هي

انسى ترجع تاني ليا

واني أرجع

تاني ليك

كان وجودك حرف باهت

جوا قصة

خسارة فيك

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى