نبيلة السيد محمد ابراهيم
مركز اجا محافظه الدقهليه
اسم الشهره نبيله طنطاوي
اسم القصيده
حطيت في الشنطه ايه
حطيت في الشنطه ايه
حطيت فيها الحنين
تجاعيد وشي في غيابك هتزيد ويا السنين
خد الامان وحطه جوه جيبها
الحزين
خد البوم ذكرياتنا وامحي الود اللي واصل
واضرب عشره وموده في غيابه انين وفرقه والناتج يبقى حاصل
خدت المصل اللي هو قل لي ازاي راح تواصل
لما هتوصل هناك ايدك على الاوكره عارفه تتمنى لما تفتح تتمنى تشوفني جوه تفتح تلاقيني حلم تلمس بايديك سرابي
تلاقيني جوه منك بهدوء برد
بابى
وبقول لك انت عارف انت حكمت بغيابي
قلت تلم الامان وهترجع لي
باساور
واللي لقيته في غيابك وجعي ده دايما مجاور
القلب يقول ده راجع والعقل لي يحاور
خدت خوفي عليك لو غبت يا دوب ثواني
فكرت لحظه فيا او قلت دي راح تعاني
خدت معاك الضلوع كانت سكني واماني
خدت معاك الموده اللي اتخلقت عشاني
خدت معاك قل لي ايه سايب لي ايه في مكاني
سايب لي ليل حزين يسال ويقول لي فينه
سايب لي جرح بينا وكنا مخبيينه
سايب لي ظلم دايم وكنا مخليينه
سايب لي في الدولاب هدوم في الشماعات
لما توحشني ريحتك اروح اجري عليها واعيد في الذكريات
واقول ده جاي بكره خلاص الوقت فات
خلاص ده جاي ليا وهيمحي لي الاهات
جالي منك رسائل انك موجوع
وحاير
تحكم بالبعد ليه ودي اصلا
عمايل
بتقول لي كله ليكي ومشيلني في جمايل
وانا يا اما اصبر في بعدك يا اما غضبي ثائر
حط القلب اللي حبك وابقى سمي عليه
وقول لي لما توصل في الغربه تلاقي ايه
هتلاقي هناك وشوش بعدت من كم سنه
هتلاقي هناك قلوب بتقول تعبت
انا
كوبايه الشاي بتاعتك في مكانها ما شلتهاش
لما رحت عليها قالت لي لا بلاش
خليني مكان ايديه ريحه برفان ايديك معلمه فى
ايديها
لما ببص عليها بحس الحزن
فيها
