الاسم . نجلاء علي حنفي
جمهورية مصر العربية
قصيدة عامية
ت. 01282066679
حكايات قلب موجوع
” بقلم . نجلاء على “.
………………………..
كانت حكاية عيشنا
فيها لحظات حلوة
أولها كانت بداية حب
وجواه ا غنوة
ضحكاية مرسومة
وأحضان بحنية
ومركب عايم بالفؤاد
على وش المية
أيام وذكريات بالسعادة
فينا معدية
كنا حلم أكبر من عمر
ضاع من شوية
مركبنا غرق ومعاة
أحلامنا بقت ضايعة
ومين السبب وإحنا
بقينا بنفوس تايهة
راحت أشواقنا بعيد
وخلاص مهياش جاية
بحاول أفتكر صورة
من زمان كانت فى عنية
بفكر فى ذنب شايلة
لوحدى ومكنش بـ إيدية
بنيت وهدت قربت وبعدت
وماتت فينا الحنية
مطعون وبنزف مكسور
وبتألم ومنيين الأسية
“بعيد ولا قريب منك وجع” .
قربك وجع وحتى من بعدك
وجع وفيكى العصيان
نارك بتحرق كل ذكرى
وقسوتك بتهد فيا كيان
مين السبب واللى كان بينا راح
ذى نارتصبح دخان
ومين حبك وخاف عليك
وأنا كنت ليك سند وأمان
وقلبى بقى يوجعنى
حتى وأنت معايا والقلب ظمئان
كنت فاكرك أنت اللى ليا
لقيتك حرمنى من الحنان
أتعلمت تجرح وجرحتنى
ورميتنى فى عالم النسيان
نفسى أنساك نفسى تهون
عليا ذى ما قلبى عليك هان
” بعيد ولا قريب منك وجع “
كل بساتين الورد اللى زرعتهالك
فى قلبى ماتت
وعمرى اللى ضاع على حبك
وسنين بينا فاتت
وذكرياتنا بين السفر والشوارع
ولحظات كانت وبعدك
وقسوتك جوايا منها
بتألم وأنا ساكت
وأيام طويلة وسنين بينا
وعشرتنا عليك هانت
وفاضل أى بينا
ما خلاص كل حاجة وضاعت
” بعيد ولا قريب منك وجع “
مبقاش عشم ولا عهود
وهى كل حاجة راحت فين
أحلام وضاعت وأيام وتاهت
وياترى هترجع منين
حتى كل اللى بينا فات
من زمان وراح ذى السنين
بقينا أتنين بينا البعاد
وهنقول شكوتنا بس لمين
أصبحنا أغراب وقلوب
مليانة عذاب ومكسورين
وإنكتب على إيدينا البعد
قدر وملناش كلام وساكتين
