قصيدة : حكاية وطن .. مسابقة الشعر العامي بقلم / دعاء سالم عبد الهادي علي

الاسم دعاء سالم عبد الهادي علي
جمهورية مصر العربية
اسم الشهرة روزيس (Rozalwrd)

صفحة الفيسبوك
https://www.facebook.com/profile.php?id=100009307907885&mibextid=ZbWKwL

القصيدة بعنوان
حكاية وطن

عاش الحمام في الوطن
عاش في سلام وف أمل
كل إللي شغله …
حلم اترسم
فرحه عامة للجميع
حرية حب وخير كتير
محدش منها ينحرم

ضحك الذئاب على الحمام
وعلى وشه رسم
المحبة والكرم..؟!!
واستغربو منها الحمام
قالوا يمكن …؟!!
احنا في زمن العجب
يمكن نغير الطباع
والذئاب تصبح تطاع
بالمحبة مش بالألم..!!

وعدت أيام مش كتير…
فيها ظهر أنياب ذئاب
فيها ظهر طمع الدياب…
في خير الوطن….
فيها فهم كل الحمام
استحالة عيشة السلام
ويا الذئاب….

فيها ظهر نسر حر
جمع الحمام علي كلمة وحدة
عاااش الوطن
فيها خوف وضلل الذئاب
فيها قال كلمته
حرروا يلا الوطن
واتخذ من حبهم نهضة للبلد
حلم مليان أمل
قال يلا حيو ع العمل
يلا حبو ارضكوا
وابنوا منها ومنكم
مجدكوا
قالو معاك كلنا
فيها هنحيا بحبنا
نعيش ونبني مجدنا
فيها نشد شوية ع الحزام
عشان نلاقي القوة والاحترام
عشان نخلي بكرة أحلي
من إللي كان
عشان نحافظ على الوطن