مجدي سالم
مجدي احمد علي سالم ( مجدي سالم )
مصر
01065705780 ( ت – واتس )
***********
حلوه الحروف لما تنساب من بين الشفايف
تعزف لحن عمره كان مخروس
ترسم صوره خارجه م البرواز
تقول خلاص
ولى الزمن وعدى
وانا اللي قاعد جوه الكوخ مستني
مطرة الشتا تعدي
راسم ع الوش الف لون ولون
واللي ساكن جوايا ملوش ف القاموس تعريف
الصبح يعدي ساحب وراه الامل
يجي الليل … يتوه جوه الضلمه
حروف متشكله .. م الرغبه والخوف
تنادي ع اللي كان هنا
مر الزمان بشويش يدهس على حلمنا
وانا اللي كنت فاكره صديق
اتاري الزمان معبي مننا
ليه يا حروف الكبرياء بتنزفي
سايبه حروف العصاه متشبكه
بتضرب جوانا… الامل يصرخ
تتلم حواليه السباع
تنهش لحم الحرف المتحني بشوية بريق
انا البرئ في زمن التهلكه
ضاع مني الوليد في زحمة التوهه والمعصيه
اه يا زمان كنا فيه اوليا !!!!
حلوه الحروف اللي مضفره بابتسامة خوف
حلوه الروح لما تسكن
تشوف الكون براح للاغبيا
تشوف الطريق له سكتين
بتدوس ف الخطوه من غير الم
بترسم للي بيعافر طريق
وتحط علامات متزوقه
كل اللي شافها وقف انتباه
حتى العصاه جملهم برك
حلوه الروح لما تسكن
تشوف الكون براح للاغبيا
تشوف الطريق له سكتين
بتدوس ف الخطوه من غير الم
بترسم للي بيعافر طريق
وتحط علامات متزوقه
كل اللي شافها وقف انتباه
حتى العصاه جملهم برك
