بين الضلوع دي حنين
و أنين وكام موال
اتخلقوا ليك وبس
يا أغلي بنت حلال
ما حلوا يوم ليّ
لكن الغلا منشال
يا طيف حضوره وبس
ديما يريح بال
يا تؤامي انت
في غربه الترحال
خمسه علينا صحيح
بدون نقاش وجدال
علي مبدأك ماشي
لكن ما يجراشي
لو قلت ليك شعر
لسواك ما ينقال
وانا مهما قلت وعيدت
فيك ما اناش قوال
بحبال سلاسل حديد
مسلسك يا مقال
لكن ورغم القيد
وسلاسل الأغلال
ما اقدرش اكون ساكت
ولا بُكمه بالإجمال
يا ام الحضور طاغي
ويفوق ع أي جمال
والله ما بسعي
لرخص واستغلال
يا اغلي ما في الكون
ولا الشعور بطال
لكن ملاك السما
معانا لو في خيال
يبقي اخبي ازاي
ده الصمت ابو الأهوال
عارفه اللي انا بكتبه؟
ذره رمال في جبال
طب اشيل ده كله ازاي
واقعد كما التمثال
مين يلقي مِن كمِّله
و ما يبقالوش إجلال
مين لاقي روح تشببه
وما اندهش وقال؟
يا سر فرحه روح
كات تحت هم تلال
ربي الكريم يجبرك
حزنك يكون لزوال
ابتسمي يا ستنا
يا نجم ما ينطال
خلي القليب يطمئن
يا ام القليب حمّال
لا في يوم طلبت أنول
او للورود اغتال
يكفيني روح بتهل
تحيي ما مات فيّ
يا بريئه وصفيه
يديك راحه البال
عادل زوين
عادل محمد ابو العنين زوين
البحيره رشيد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
