خالد السيد البليسى
حوار مخالف للوعى
عامية
(حوار مخالف للوعي )
ميت بيحاور عايش فـِ خيال الشاعر جوا
بيقوله ازاي العالم مش لاقي معاكم قوه
و ازاي المشهد باهت و الخلق سلاح متعمر
و ازاي الكل سنابل مبدوره عشان تدمر
العالم نُص التورته العالم صاحب ورطه
و خيال الشاعر بايظ
و الميت قال للعايش متردش لو مش عايز
و هناك انا ماسك قلمي و خيالي بيضرب لون
بنسخ من روح اشعاري افكار لو مره تدوم
وبدق بإيد الهون ع الأرض و ع التأليف
بكتب من عقل خفيف بيحاول إنه يعوم
مشهد فالت م الكون و سبيل الرسم حياه
و انا مؤمن إن الكون ساير بقضاء الله
الميت قال للعايش طب ايه الحل؟ مفيش
غير بس قرار الموت وساعتها اكيد هتعيش
رد العايش طب ليه / رد الميت إفيه
طلع المشهد مقفول و الكل معانا أفيش
طلع المشهد معقود و الثابت فينا نعيش
طلع الميت كان عايش و العايش نفسه يموت
طلع العالم مخبوت و النص قفيل و حزين
بصيت لكيان الشيء و سحبت النص سجين.
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
