اسم العمل :حياة جديدة
الفئة :عامية
الاسم :علا السيد عبدالحليم فياله
اسم الشهرة :علا فياله
قولت هانسى
قالوا لسه
قلبي لما يغيب بيقسى
كان لي روحي وكان وريدي
كان في قلبي وكان لي عيدي
مش بإيدي البعد لكن
الفراق كان حيطة سد
بُعده كان سابق بجد
والعناد آخر طريقي
كان لي في الأوجاع صديقي
وبين حروفي بحور قصيدة
كات عيونه ساعات عنيده
وف سفينتي ألقاه سحاب
فجأه ساب قبلة عيوني
وإلتقيت حلمه السراب
بين ظنونه وبين ظنوني
قلبي متاخد غياب
يبقى آن وقت المغيب
مش نصيب القلب إنه
جوه منه يكون حبيب
قولت هانسى ……
بس لسه
لسه باقي فيا منه
ذكرى بين قلبي وكفوفي
لسه شيفاه الحقيقة
بين قصايدي وبين حروفي
لسه بتدارى في كسوفي
لما أشوفه وهو جاي
نبض قلبي بيعلى لما
ألقى بعد حضوره ضي
نور ودنيا وناس ولمه
و الكلام جوايا حي
((وابتسامته حياة جديدة ))
