قصيدة..خارج نطاق الكون.مسابقة الشعر العامى بقلم / محمود إبراهيم احمد هليل .مصر

الأسم/محمود إبراهيم احمد هليل
اسم الشهرة/محمود هليل
البلد/مصر
المحافظة/الشرقية..مدينة العاشر من رمضان
تليفون/ 01027712256
واتس/01027712256
لينك صفحة الفيس بوك/ https://www.facebook.com/profile.php?id=100008338931173
فئة العمل/ شعر بالعامية المصرية
اسم العمل/
قصيدة..خارج نطاق الكون
…………………………….

ساكن على اعتاب الزمن درويش

العُمر فيِش فى أفيش على الجدران

النَقرَزان شَب ف وُلَيد شايب

سايب فى تكوين الزمن الغاز

عُكَاز بيُحضُن فى شواشى الشوم

البوم نُهامُه من مصير محتوم

مقسوما روحى يا صبرة فى المنفى

بتنز عزة بقسوة الجلاد

كرباج حياة بس الوجع ينعاد

عَلْم على ضهر السنين خوفه

خوفو اللى بالصخرة بنىَّ الأمجاد

ابن البغايا اللى فى حُضن الليل

ايه الدليل لجل ان. تكفرنا

بتبيح فى دم ينور القناديل

بينى وبينك فى الجبل تارنا

اوتارنا على عود الزمن شَدة

انا بروى نيلى ساعة الشدة

اوجاعى سَدة بحورَك الراكدة

ترتيلها من عزف الألام باكى

شاكى يا رب. سبع تلاف مرة

صَرة السنين العمر فى مَجَرة

بتضمنا خارج نطاق الكون

وسكون فى جوف المُلهمين بيئن

بيحن رَغم الجَرح من تانى

بكانى حزن كَ سيل دموع النهر

القهر كانه اوكسُجين ونجاة

*صدقنا انه. الّه والصبر قُربانه

*طرحة زفافك يا عروسة النيل

مشغولة من ريق الفرح والهم

متطرزة بلون الكفن والليل

شرباتها شهد وطعموه بالسم

لم لم عريسها من رُفاتها حياة

يروى الغيطان تطرح منابت خوف

ف يطوف مقامها زهر جدرة ظلام

العم قام يحصد فى محاصيلك

جاب دَرَسات دِوارِتها على سيرك

َبيضا ودَرَسِت لون خطوط سيرك

مراسيلك المحصودة ع التشوين

مَد السنين يرخى الوتر ع العود

مولود بيعزف لحن بلا معنى

جَمَعنا مرة يوم ما صرخ الحق

شَق السكون وقت انتفاضة لأ

رقَ الخضوع قام طاطا واتدانىَ

جَمَح الفرس ركب اللى بكانا

غازلُه الزِناد ضَرب العويل دانا

طَمس الحدود شَق الغيطان نصين

الحد اصلاً فين صبح المشاع قبلة

السَبلَة متدممة والرى بالراحة

فَرد الخَضار الريم على الساحة

طعم انكسار لون الضمير باهت

ساعة احتضار العمر يتشاهد

على طيف حدود المقصلة والسلم

الصبر تاه نادى عليه ايوب

مكتوب على جبين الكنانة تتوب

وتنادى ع العلم اللى شق الليل

وتهيم مع الحلم اللى ف الموواويل

فا اعزف ترابها نبض لحن جميل

تميل بوجدانى غنوتها طول الليل

وترن ف ودانى واحشانى بنت النيل