محمد محمود علي
جمهورية مصر العربية
محافظة القاهرة
رقم الإتصال / الواتس 01113163575
https://www.facebook.com/profile.php?id=100010595432162&mibextid=ZbWKwL
فرع شعر العامية المصرية
قصيدة “خلاصة القول”
و تفوت سنين العمر
و القلب ما ينسا
يدوق كاسات المر
و يبقا الأمل لسا
ينادينا كل ما بعدنا
يمنينا و يوعدنا
بفرحة جاية تسعدنا
و تمحي ذكرى هم و حزن
شاخت منهم ملامحنا
ضاعت ما بينهم الرحلة
و نسينا معاهم مين إحنا
أوعا تكون يا أمل كداب
و إن جيت أخبط ترد الباب
أنادي عليك بعلو صوتي
و تقول مالك هنا أحباب
دايرة في راسي الأسألة
و إحترت كتير ألاقي جواب
آه يا حلم صدقته
إزاي في لحظة تبقا سراب
تروح و تسيب لي روحي خراب
و أنا في وسط الضلمة وحيد
كل ما قربت من حلمي يروح لبعيد
كلنا عايشين بنطارد النسيان
الفكر سارح و الذكريات الوان
خطاوينا تاهت عن العنوان
و هيجي في يوم توصل
قصة و مكتوب بدايتها
و مصيرها أكيد تكمل
طريق ولازم نكمله ل آخره
نداري خوفنا و نخبي الجراح
و نبطل نبكي على اللي راح
خلاصة القول
دنيا و ماشية مراحل
والكل فيها ضيوف
ما بين واصل و راحل
و لقا و فراق هنشوف
عملنا في دفاتر متسجل
و حسابنا على المكشوف
رد الديون متأجل
و الوعد مش مخلوف
فبلاش تطغا و لا في يوم تتغر
بحاجة مش ملكك
لا الجاه و لا المال
كانو في يوم عزك
لو بكل حيلة سعيت
متاخدش غير رزقك
فسلم أمورك للمولى
و سيب الفكر و التدبير
ما يفوتك المكتوب
و لو مشيت مشاوير
مهما الهموم تكبر
لينا رب كبير
