الإسم: محمد رمضان الدولة: مصر نوع الشعر : عامي بعنوان : خليها على الله عايشين في الدنيا يوم من بعد يوم لاحد عارف ظالم والكل قال مظلوم عمر وساعات ويمر بالحلو كان أو مر لا سعادة دايمة ولا هتدوم الهموم ناس بتتألم ومابتقولش آه ناس بتتعلم ومش لاقية الحياه ناس تانية ياعيني عليهم لا من دول ولا من دول الدموع مالية عنيهم وجرحهم بيطول وناس عايشين وزي ماتيجي ومخلينها على الله وفرحانين وبيضحكوا رغم صعوبة الحياه خليها على الله خليها على ربك إرمي حمولك كلها إضحك ومن قلبك.
