خير الانام ... .... ...... كل شئ ف الكون مزيف لما كان طاغى الضلام وأما كان الكفر سايد والسفيه ع الناس امام فجأة بان من أمنة بشرى فيها للارض السلام ضحكة الشمس اللى جابت ضى من خير الانام والبداية الكعبة واقفة م البشر خالية الحماية ابرهة بالفيل بيزحف هى دى بداية النهاية م السما ابابيل بتنزل والطيور جايباها اية وانهزم جيش اللى حاول يهدم النور والهداية نور جديد ع الارض نازل درس اكبر م الدروس فيه معانى الحكمة واضحة والهداية للنفوس حلم جاى م المولى يمسح م الوجود كلمة كابوس نسمة جات م الجنة بيها انطفت نار المجوس وابتدا النور اليتيم يملا كل الدنيا ضى رغم لسة يدوب صغير بس طفل مالهوش زى امه ماتت ثم جده يتم بعد اليتم جى بس كان بالعزة عايش د.الحبيب والهه حى شب عوده واحدة واحدة كان امام المحسنين اسمه كان من قبل وقته اية واضحة ف كل دين كلمته بالصدق تنطق والامانة ف كل حين حتى صار معروف بانه ع الجميع صادق امين مال خديجة للتجارة م الحجاز بيروح لشام بالامانة الكل عارفه كان يروح ومعاه غلام يمشى وسط الصحرا لكن فوقه بيضلل غمام اى حد يشوفه يشعر بالمحبة بدون كلام هو ده اللى المولى ذاته اصطفاه يصبح قريب جنب اسمه حط اسمه والحبيب جنب الحبيب لما يدعى الدعوة تطلع والكريم لدعاه مجيب رغم امى ف القراءة للقلوب كان الطبيب وبجوازه من خديجة قلبه بات يسعد بنوره قلبها الطيب جناين عاش مع الورد وعطوره منها ام ابوها فاطمة كان يشورها وكان تشوره غار حراء كان للتعبد فجأة يجى ملاك يزوره قال له اقرأ ثم ضمه ثم اقرأ ثم ضمه لما شاف شكله المفاجئ حس رعشة ف قلب جسمه راح الله بسرعة حضن زوجته كأنه امه طبطبت وبسرعة غطت ضاع مابين احضانها همه وابتدأ القرأن باقرا وابتدا الاسلام يدور كل حرف ملاك يشيله والمداد فاق البحور معنى اكبر م المعانى نور يزيد عن كل نور بشرى للمؤمن بجنة فيها فاكهة وفيها حور وابتدا الدعوة الكريمة سر بعد السر جهر امنوا حبة ولسة ياما بالعناد عايشين ف كفر ماتت الزوجة الوفية واللى صبرت احلا صبر مات كمان عمه الحنين حس طعم الدنيا مر كمل الرحلة الطويلة والايمان ف الرحلة زاده مهما شاف م الناس بيدعى للاله يرحم عباده شاف كتير لكنه سامح كل همه ينول مراده يغسل الارض اللى شافت م الضلام احلك سواده ع البراق سافر ف لحظة صلى ف الاقصى البعيد والرسل من خلفه صلت حسوا ان صلاته عيد ثم عاد بالاية واضحة وصف بالكامل جديد واللى كافر لسة كافر والعنيد لساه عنيد حتى نفس الرحلة سافر والملايكة فتحوا باب ف السما للضى طالع يجرى من بين السحاب فات من السماوات بحالها عن عيون الكل غاب ضيف على الرحمن وكلم ربنا من غير حجاب اهل مكة بدأو بدرى حرب ع الهادى الامين اللى قلبه بالمحبة جى للناس اجمعين بداو بالتعذيب ووصلوا حتى قتل المسلمين واما زادوا من عنادهم م الديار هاجر حزين وابتدا الهجرة الطويلة بعد ما حل الضلام هو والصديق ف سكة لما كانوا الناس نيام واما عرفوا بسرعة هاجوا راحوا يجرو وراه قوام خش كهف وغطى بابه عنكبوت مع بيض حمام رجعوا اهل الشر لكن حسوا طعم الانكسار خططوا له الف خطة قادوا نار من بعد نار هو رب الخلق حفظه ف المدينة بناله دار راح ضلام الليل ودايما بعد اى ضلام نهار لم كل الناس قصاده بين جميع الخلق سوى ف المدينة الكل اصبح حتى بعد الفرقة اخوة بالايمان الكل يفهم كلنا لادم وحوا ف اتحادهم سد قادر يبقى عالى يصد نوة واحدة واحدة النور بيكبر والايمان ف الناس يزيد بدر قلة وهمً اكتر والشهادة لمن يريد بالايمان والله اكبر والبصاير من حديد د.اللى نور الله ف قلبه ييجى بالنصر الاكيد كل نصر بيبقى عزة يبقى خطوة ف الطريق والطريق دايما يبين مين عدو ومين صديق قينقاع وقريظة غدروا داقوا من خيبر حريق والرسول قلبه الحنين حن للبيت العتيق رح بجيش الحق طهر مكة من دين الجحيم رح ونصر الله حليفه ف الطريق المستقيم اهل مكة خافوا لكن كان رؤف بيهم رحيم وابتدا بالعفو عنهم د.الكريم ابن الكريم صلوا على اللى بنور شفاعته نحتمى ف يوم الزحام صلوا على اللى بنور هدايته تبتدى حروف الكلام صلوا على اللى المولى رفعه جنب اسمه بالتمام هو خير الناس بحالها صلوا على خير الانام محمد ابو العبادى
