قصيدة : دعوة أمك . مسابقة الشعر العامي بقلم / سعد السعيد

الاسم .سعد سعيد هبيل سعيد
اسم الشهرة. سعد السعيد
رقم الهاتف. 01552729708
صفحة فيسبوك . سعد السعيد
او كريستر نهر الخب
لينك. https://www.facebook.com/christer.nhrelhob?mibextid=ZbWKwL
قصيدة بالعامية المصريه
بعنوان . دعوة امك

غمض عينك
وانسى انك فوق الأرض
عيش فى الحلم
من غير حتى قيد أو شرط
أرسم وطنك ف الاحلام
أرسم نفسك نور ف ظلأم
عيش ببرأة طفل صغير
مبيعرفش حلال وحرام
ألعب وأجرى ف قلب الحلم
من غير أى جراح ولا هم
لم تغمض يجى النوم
زى الطفل فى حجر الٱم
أرسم جو حلمك مطره
وتحت المطره قوم اتنطط
وكمان أرسم زرعة وشجرة
أجمع رملة وابنى قصور
‏ومتبنيش لحلمك سور
‏خلى حلمك كله براح
‏خلي شمسك ليل وصباح
‏خلى قلبك يزرع خير
‏يدى حب يعيش مرتاح
‏عيش ببرائتك جو الحلم
‏زى جنين ف رحم الٱم
جوا حلمك أرسم قلب
يملا الدنيا سعاده وحب
ارسم شمس بتشرق بس
ومترسمشى ليها غروب
علشان نورها يملا حياتنا
‏كل ظلامنا يكون محجوب
‏وتدفينا صبح وليل
‏نكتب ليها كمان موواويل
‏وتبقى حياتنا ميه ال ميه
‏زى الطفل فى قلب الصيف
‏لما بيلعب جوا الميه
أفتح عينك
فوق من حلمك
أوعى تنسى ف مرة ألحلم
أصل الجنة كانت حلمك
أخلق جنة جوا فى قلبك
كل الجنة ف دعوة امك

كلمات ،سعد السعيد