الاسم: حمادة السيد بكري السيد بدوي
اسم الشهرة: حمادة البكري
الدولة: جمهورية مصر العربية
نوع العمل: شعر عامية
عنون العمل: دلتا
رقم الهاتف: 01069553796
رقم الواتس: 01069553796
رابط الصفحة الشخصية على الفيس بوك:
https://www.facebook.com/medo1597?mibextid=ZbWKwL
دلتا
طالع بكايا مِـ الحنايا نشيد
وايديا دية وفدا للمسكين بيها
قايد على فكرتي.. عشرين وابور بالجاز
علشان تيجيني الخاطرة عَـ الكيف
عشمان ألاقي الجَلَدْ..خارج ربوع الريف
واكسر ما سَنِّ العُرف عَـ البندر
ببلادي واجب ..أنتشي وافخر
روحك يا خيل العرب.. بتعافر الجلاد
والفلاحين الهمايم منجبي الِخْضار
بينهم وبين العَجَزْ.. أسفار على أسفار
فينا الأصاله معالم.. ناطقة صارخة
يا مبحرين الدلتا أرض الخير
أقبض بإيدك.. دا الشراع أرخى
للريح حدانا مِـ الحبال أَشبار
عارف وواعي يا شراع العيش
القلب شايل لك.. خضار طيب
روح الولد يا عنيه.. في الشمس لا طاقه
بالاغتراب والنوى.. بِكَّاية بتطقطق
وريحان مجالسها.. بينادي ويزعق
الصوت نافد له رغم كونه بعيد
عن كل مرة كانوا يتجافوا
والمشهدية الأصيلة تنجلي وتقيد
ساعة عصاير وانت في المواليد
تجروا في ضلة شفق
أحمر سما وأخضر على الأراضين
الطين يحب الطين والنار تهاب المَي
لساك صبي وودود النور ف قلبك حي
والجد حازم نصبته مهاجر
تارك غيطانك ليك..
وموصي ليك بالفاس والتوته تسقيها
كمل عمار الأرض دي يا حفيد
فايتك ياواد السنة.. يوم الحصاد والعيد
وعي عيالك يوم ما يبقى لك
الأرض أغلى من كنوز الكون
الأرض عرض ونسلك الأشراف
بنسبنا إفخر يابني واتباهى
صون الأمانة.. وانصر المظلوم
واياك تميل عن طريق الحق
ولندل عمرك.. يابني ما تتزق
إنأى بنفسك وادرئ الشبهات
هيهات ينالك مِـ الشيطان الزور
قالها وهاجر جدي عنا وفات
الوقت أبيض والغيطان خضرا
إسود فينا الزمن زارنا أخد ستي
من أي درب يادموع جئتِ ؟!
أنا اللي قلبي حجر إِيه رققه وبكاه ؟!
آمن بقلبك ثم قول الله..
النفس أصدق ما تكون في الحزن
والدمع خمر الأُلَى مش مدمنين الخمر
الموت جميل بيجمع الشاردين
والنوم دا موت لكن مابيجمعش
الحب نور البصر
والكره أعمى لو يصيب القلب
والعقل أوحى إليَّ بالآتي ..
قال التناقض في الحياة ساري
حيث الوجوه الساعية بين العبيد بالشمع
هي اللي سارقة أكسجين الهوا
الزيف طريق مفروض على الخطوة
والرمل ساتر كل من تحته استوى
مش قصدي يعني ان اللي تحته مستورين
أنا قصدي يعني ان اللي تحته متساويين
في الهيكل الفاني
مش قصدي بردو الحال.. بين الجزع والحِلم
خَمش النوايب في اللي طايف ظلم
والصبر آخره الكفر يا اسيادنا
ما هز اليقين الحمل
ولا عمره مره الإحتمال فادنا
خارج إليكم من.. سراديب الكنيسة
شايل قرابين المعابد.. قاصد مزاد داير
من ميكرفون مادنة
رافع إيدين الحسرة من قلبي
بدعي يموت الكون ويوقف المأساة
حاولت ياما حاولت.. إني أكون عابر
لكن هعيش ازاي واني مَلو روحي أسئلة
وازاي أخلف من ورايا الشيء
واني معرفش ماهيته
ومش قادر أخوض الجهل
أثبت شهيد الزمن إن اللي عايش كهل
وإن اللي ماتوا شباب.. فما تسألوش فين راح
بعد أما سك الباب.. وما تحسبوش الغياب
كان حل مرضي وسهل
وادعوله يلقى الخير.. خالص من العقبات
وادعوله يلقى الشيء.. وادعوله يلقى الأهل
