قصيدة : دلوقتي أنا غير .. مسابقة الشعر العامي . بقلم / علي هيكل

الاسم على هيكل

شاعر عاميه

https://www.facebook.com/share/15vDisxkkh/

رقم الواتس 01061620598

عنوان القصيده دلوقتي أنا غير قالت بلسانها .. دلوقتي انا غير
يعني هتمشي و هتفارق
فارق وخلاص من غير تفكير
وانا مش هتأثر بغيابك
ولا حتى هاحن لأيامك
ولا هاشغل بالي بأفكارك
م الأخر كده هنساك بضمير
انت ما كنتش شيء في حياتي
انت كنت يا دوب كراكيب
شخص معقد طبعه غريب
قلبه ده يشبه قلب الديب
دايمآ عيندي وراكب راسه
و عشان ارتاح اختارت أسيب
كان صعب اكمل وانا وياك
كان صعب اعيش الباقي معاك
خليتني شيطانه في عين نفسي
من بعد ما كنت بقلب ملاك
وسامحتك ياما وما سامحتش
فوت كتير اشياء ليك
جيت المرادي وما قدرتش
طب اعمل ايه؟
قلبي الغالي انا دوست عليه
لاجل عيونك ومشاعرك
وما فيش انسان في الكون
حواليك تلاقيني بطبطب على جرحك
اخرتها بتيجي على كرامتي
ملعونه مشاعري علي مشاعرك
رد عليها ساعتها وقال ..
اهدي شويه وقولي هديت
لو فاكره ان انا هرجع تاني
يبقى ده بعدك انا برضو نسيت
يعني الشخص اللي ارتاحلك
واللي انتي بقلبك عذبتيه
مش هو الشخص اللي بيكتب
انا واحد غير اللي عرفتيه
انا كنت زمان مليان احزان
وبحن لأيامك عادي
كنت بشوفك بزعل حبه
اكدب على نفسي واقول عادي
انما دلوقتي خلاص يا حبيبتي
مجرد ما بتيجي في بالي
بضحك على ايامي التافهه والوقت اللي انا عشته معاكي
يلا فداكي وعادي هكمل
ربك من كرمه بعدني خلاص
وكمان من كرمه بقيت بتحمل
فاكراني مش هنسى قال
بالنسبالي ده لعب عيال
ده اللي يمشي عليا خطوه
اعديله 200 فدان
واللي يجي عليا مره
انساه وانسى اهله كمان
فاكره لما قابلتك اول مره زمان؟ ايوه فاكره
طب عارفه ساعتها قولتي ايه؟
لأ مش عارفه
قولتي ساعتها بأني المنقذ
وان حياتك كانت بلا فايده
دلوقتي ليه بتروحي وتيجي
وكل كلامك حواديت خيبه
اصل زمان لما قابلتك
شوفت ساعتها بأنك طيب
فكرتك حد لطيف ولذيذ
فكرتك شيء م القلب قريب
و أتاريك عادي وزي الكل
كل أفعالك سيئه جدآ
بس كلامك زي الفل
و انا شوفت ساعتها بأنك عال
ام لطيفه تربي عيال
و أتاريني كنت أعمه ساعتها
واني المخطئ والغلطان
و اهي تجربه عدت على خير
وإن مره قابلتك تاني في يوم
كل كلامي صباح الخير
ولا نحكي في مواضيع عدت
ولا نرجع ونحن لبعض
خلينا نكمل في حياتنا
يا مدام حلوين ولطاف في البعد
انت صح و عندك حق
كل كلامك جه في الجون
ونرجع ليه ونقرف بعض
ما دام البعد هدوء في هدوء
وجميلك متشال على الراس
والدرس الصعب اللي انا خدته
بقى عادي وبقى سهل خلاص
والجرح اتداوه بدون علاجات
عارف جرحك زال ازاي؟
بالقصائد والروايات
على كل حال كتر خيرك
واهم حاجه تكوني مرتاحه
كلها ايام و هقابل غيرك
و احكيلها عنك بصراحه
و هقول انك كنتي جميله
وانك طيبه مش شريره
وقلبك ابيض زي البفته
بس في طبعك كنت عنيده
وإن قالت انا برضو شبهها
هبعد عنها و اسيبها وحيده
……. علي هيكل ✍️…….