قصيدة / دماغي العزيز . للشاعر / علاء أبو ذكري

بحبك وشايل همومك وساكت

وغطي فخامتك إذا الدنيا هاجت

وفي البرد بعمل عشانك كتير

وبلبس طاقيه ودفي السرير

وكل الحكاية تعبتك معايا

وعايز إجابة تكون لك ضمير

لماذا سيادتك مصدع كتير

بتزعل تملي لو أشرب عصير

دماغي العزيز

عشان تستريح بخدلك أجازة

وبشرب في مايه وغطي الازازة

وبرضك مزرجن معايا وقاسي

وباخد مسكن إذا كنت ناسي

فأرجو جنابك تبلغ صحابك

يبيعوا القضية وترجع تنام

وبياخدو معاهم حبيبك زكام

حقيقي تعبتك كتير ف الكلام

وشاغل سيادتك بكل اهتمام

بقولك تعالا نعيد المهام

وترجع سماحتك طبيعي وخام

لا فكرك هيقدر يغيير مصير

ولا ف عز حلمك هتفضل كبير

بقولك كلامي بكل أقتناع

فخفف الامي وشيل الصداع

لأن بصراحة صداعك يغيظ

جزيل إحترامي دماغي العزيز