قصيدة : دماغ للبيع .. مسابقة الشعر العامي بقلم / محمد الزعيم

الإسم/ محمد إسماعيل ياسين رفاعي
إسم الشهره / محمد الزعيم
العنوان/فيصل محافظة الجيزة
رقم الفون والواتس/ 01118962212
01011411450
#مسابقة_الشعر_العامي
إسم العمل/ دماغ للبيع

دماغ للبيع

حد يشتري دماغي
باللي فيها من كلام

حد مستعد ليها نفتح المزاد بكام

اصلي ناوي ابيع حكاوي
للي غاوي

واللي نفسه يعيش غرام

بس مين يقدر يقدر كل كلمه بالجرام

الحكايه اني رافض اي حاجه مش تمام

قولت لما ابيع دماغي واشتري غية حمام

طير مهاجر بره أرضه راح بعيد عن الزحام

اه لو اعرف مين يداوي جرح رافض الألتئام

حد يشتري دماغي
باللي فيها من كلام

هى كلمة بألف معنى
ليه ندور على اللي باعنا

ليه بنسمح بضياعنا

ليه نبص لحد تاني مش بتاعنا

ليه وليه والف ليه
ليه بعدنا عن مراجعنا

يا سلام لو بس نرجع
للأصاله والأصول

العراقه والشياكه والتناكه هما دول

والشوارع المحيطة بالعماره والفنون

ماكانوش الناس حويطه والحريم بالبيشه كانت يا حلاوة العيون

والكارته بحصانها ماشيه
وكانت الدنيا اهي ماشيه

لا وجاهه ولا حاشيه
ولا فيه وجع دماغ

والافندي ماشى باشا عاوج الطربوش بقيمه

ضارب الدنيا بحالها يجيي 100 جزمة قديمه

والعماير والمعالم كلها كانت عظيمه

والخلاعه والسفور والفجور كانوا جريمه

حد يشتري دماغي واشتري غية حمام ؟