قصيدة (دنيتك) مسابقة الشعر العامى بقلم / وسيم محمد عبد الخالق

الاسم : وسيم السيد محمد عبد الخالق
الشهرة : وسيم عبد الخالق
موبايل : 01550209997
لينك صفحة الفيسبوك : https://www.facebook.com/waseem.abdelkhalek.75
الإسكندرية

مسابقة الشعر العامي
قصيدة ” دنيتك “

النضج حالة مرعبة حتعيشها لما تبتدي
تقدر تعيش حالة تخلي عن حاجات بتحبها
تخلق شعورك بالتجاهل
تقتل فضولك و الحنين
لردود آلاف الأسئلة فكرت ياما ف ردها
تفقد شعور الاهتمام بالمعرفة
عن مين معاك
او مين محاربك ف الخفا
او حتى مين وقته انتهي
و ساعتها تبقى ف وحدتك
مرتاح اوي ولا يتعبك
الناس تقرب …… تبتعد
لو حتى بعدت كلها
و تلاقي حالة م السلام الداخلي اتحكمت
ف ميزان حياتك
تختلف حالة شعورك بعدها
الرعب ييجي لما تلقى انك بقيت
ف الدنيا حد غريب اوي
ذاتك تهيم ف الكون و طايرة لوحدها
بتعيش بتفكير مختلف
لكن سعيد ….. و حتِكتِفي
انك لقيت جواك صديق فاهم مخاوفك كلها
و ساعتها بس حتِكتِشف
انك زهقت من البشر
وان انت عايش دنيتك
و الناس ف دنيا لوحدها